Scritta da Andrea TorrisiRecitata da Massimiliano Raciti e Andrea Torrisi durante la Manifestazione Studentesca contro il depotenziamento dell'Ospedale "San Giovanni di Dio e S.Isidoro" di Giarre.
Vivu nda na terra accussì smurfiusa
Ca quannu arridi nda ucca si virunu i purtusa,
Stu paisi avi na gran famuna,
ca macari unu di fora sa n’adduna:
a cintura a tenunu stritta stritta
e mancu i cafè a tenunu additta.
Tutta stotta ca pari mpappagghiuni
Tant’è ca si peddi nde…. Magghiuni.
Assira mi fici ngiru cu me figghia
Ammenzu a sti cosi fatti a lassa e pigghia:
stadi, tiatri piscini, jaddini unni ci chiantanu pruna
cosi visti mancu subbra a luna.
I cristiani, sbarruati, peddunu i staffi,
sempri si non finisciunu intra e scaffi.
I cristiani, sbinturati, non ni ponnu cchiù
Macari intra o garagi s’attrovanu strisci blu.
“U sapisti chi si misi a vinniru mbari Pippu
Chiddu ca vadagnava sulu co scippu?
Si misi a vinniri rassura
Di quantu ni costa a spazzatura!”.
“U sapisti chi si misi a vinniri mbari Turi
Chiddu ca vadagnava cu l’usuri?
Arangini nda bancarella ca lurdìa:
tantu a licenza mu dici cu cia spia?"
U cossu italia è sempri chinu di cristiani
Ma i negozi su leggi: manchi i cani!
I commeccianti paianu ddu voti la misata
Ppi l’affittu e pi n’aviri a machina abbruciata.
Si boi iri a scola pottiti da casa na classi
Picchì chiddi ca ci su ‘dda finestra i ittassi.
Unni sa mentiri u carusu da scola?
Si lu metti ndo corridoio sa n’abbola.
U voi mentiri ndo bagnu?
Si, ma accu ‘ttrasi ci pigghia ncoppi i spagnu.
Uvoi mentiri ndo cuttigghiu?
Cettu, pari ca ‘dda menzu c’è to figghiu.
Duluri di pettu, duluri di panza, duluri rinali
Ma c’è ancora u spitali?
Do cristianu cchiù megghiu, a chiddu ca è fangu
Tutti avemu i dirittu di nasciri e di ittari sangu.
Non ci schizzamu cu sti cosi
Ca ‘ppi fari nasciri picciriddi ‘cca ci ni vosi
E quannu chiudemmu l’occhi du sicunni
Ni ficimu pigghiari pi bestia tunni.
Giari s’avissa vattiari
Ma macari l’acqua ni volunu livari
Giari s’avissa cunfissari cchiù spissa
Ma senza soddi non si canta missa.
Giari s’avissa pigghiari a comunioni macari
Ma pi fallu pi n’ura prima non sa mangiari
Giari s’avissa a crisimari
Ma ci su troppu patrozzi ca u ruluggiu ci volunu ligari.
Ca quannu arridi nda ucca si virunu i purtusa,
Stu paisi avi na gran famuna,
ca macari unu di fora sa n’adduna:
a cintura a tenunu stritta stritta
e mancu i cafè a tenunu additta.
Tutta stotta ca pari mpappagghiuni
Tant’è ca si peddi nde…. Magghiuni.
Assira mi fici ngiru cu me figghia
Ammenzu a sti cosi fatti a lassa e pigghia:
stadi, tiatri piscini, jaddini unni ci chiantanu pruna
cosi visti mancu subbra a luna.
I cristiani, sbarruati, peddunu i staffi,
sempri si non finisciunu intra e scaffi.
I cristiani, sbinturati, non ni ponnu cchiù
Macari intra o garagi s’attrovanu strisci blu.
“U sapisti chi si misi a vinniru mbari Pippu
Chiddu ca vadagnava sulu co scippu?
Si misi a vinniri rassura
Di quantu ni costa a spazzatura!”.
“U sapisti chi si misi a vinniri mbari Turi
Chiddu ca vadagnava cu l’usuri?
Arangini nda bancarella ca lurdìa:
tantu a licenza mu dici cu cia spia?"
U cossu italia è sempri chinu di cristiani
Ma i negozi su leggi: manchi i cani!
I commeccianti paianu ddu voti la misata
Ppi l’affittu e pi n’aviri a machina abbruciata.
Si boi iri a scola pottiti da casa na classi
Picchì chiddi ca ci su ‘dda finestra i ittassi.
Unni sa mentiri u carusu da scola?
Si lu metti ndo corridoio sa n’abbola.
U voi mentiri ndo bagnu?
Si, ma accu ‘ttrasi ci pigghia ncoppi i spagnu.
Uvoi mentiri ndo cuttigghiu?
Cettu, pari ca ‘dda menzu c’è to figghiu.
Duluri di pettu, duluri di panza, duluri rinali
Ma c’è ancora u spitali?
Do cristianu cchiù megghiu, a chiddu ca è fangu
Tutti avemu i dirittu di nasciri e di ittari sangu.
Non ci schizzamu cu sti cosi
Ca ‘ppi fari nasciri picciriddi ‘cca ci ni vosi
E quannu chiudemmu l’occhi du sicunni
Ni ficimu pigghiari pi bestia tunni.
Giari s’avissa vattiari
Ma macari l’acqua ni volunu livari
Giari s’avissa cunfissari cchiù spissa
Ma senza soddi non si canta missa.
Giari s’avissa pigghiari a comunioni macari
Ma pi fallu pi n’ura prima non sa mangiari
Giari s’avissa a crisimari
Ma ci su troppu patrozzi ca u ruluggiu ci volunu ligari.
